«Қадыр Мырзалиевтей қадау талантқа ғана айтылар бағаның салмағын ешбір сөзбен жеткізе алмайсың... Қадырды әлі әріп танымаған бүлдіршін бөбектен бастап, әріпті көзілдіріксіз көре алмайтын қарияға дейінгінің бәрі біледі. Өзін білмесе де сөзін біледі. Мұндай даусыз данқ, татаусыз танымалдылықтың сыры – Қадыр талантының қарапайымдылығында».
Әбіш Кекілбаев
«Қадыр Мырзалиевтің пікірлері маған өте ұнады. Мысалы: «Жас ақынға», «Жырға сыймас нұр көрдім», «Еңбек өлеңінің өзінде жұртшылық аузына түсе қоймаған талай оралымдар, шеберліктер сезілетін сияқты болады»
Мұхтар Әуезов
«Қадыр – найзағайлы ақын. Дәуірдің, уақыттың өзі жаратқан өміршең ақын. Оның поэзиясы - өзіміз сүйіп отырған дәуір мінездес».
Мұқағали Мақатаев
"Қадыр-мықты бәрімізден де, менен де мықты ақын"
Ж.Молдағалиев
«Ол (Қадыр) жұрттың бәріне белгілі таныс, тіпті етене боп сүйекке сіңірген күнделікті өмір, тұрмыс құбылыстарынан өнегелі ой түюге өте шебер. Бірақ бұл түйін миға қонбайтын, кісіні мезі қылатын жалаң үгіт-өсиет емес, миға да, жүрекке де оңай жол табатын ақыл мен сезімнің жарасымды түйіні. Ал үні болса жылы, жұмсақ, онда елірмелік те, лепірмелік те жоқ – жатық, жағымды»
Мұхамеджан Қаратаев
«Біздің арамызда ең көп оқитын, көп білетін ақын – осы Қадыр. Біздің арамызда көп ізденетін, сол іздегенін көбірек табатын да Қадыр»
Тұманбай Молдағалиев
Акын Кадыр Мырза Али с нами, вровень с веком суверенитета своей Родины живет и творит стихи. Которые призывают отвернуться от лжи, лицемерия и подлости, быть разумными, упорными в труде, честными в обществе, читать книги, обогащаться духовно, самим учиться и учить других.
Жайсан Акбай
"Ол-бай, бірегей талант, жұлдыз болғанда...мәңгі жұлдыз!Ол-ақын Қадыр"
Х.Ерғалиев
"Қадыр-қазір ұлы ақын! Бұл сөзді мен өмірімде екінші рет айтып отырмын! Бірінші рет Мұқан-Мұхтар Әуезов Лениндік сыйлыққа иегер болған күні айтқанмын..."
З Қабдолов
"Қадыр Мырза Әли-ұлт ақыны. Қазақ деген тегі мықты, тарихы бай, тағдыры күрделі, түйсігі мың қатпар, қалтарысты, астарлы, тысты, алапат тілді, қабілетті қаһарман, қайсар халықтың тұңғиығына бойлап, кеңдігіне кепіл боп, бітімімен біте қайнасып, ұлылығын, рухын,ар-ұятын, үмітін барынша әспеттей отырып, кемшінің мінін,қайғысын, сорын азаматтық тұрғыда қазып айта алған, сыншыл да ойшыл ақын. Ұлы ақын"
К.Ахметова
"Ақындардың бәрі ой толғайды, бірақ ойшыл ақындардың бәрі бірдей философ бола бермейді. Сен ойламаған ойын, оқымаған кітабың жоқ, ендігі философ ақындардың бірегейі едің"
Ә.Нұршайықов
"Қадыр Абайдан кейінгі көп оқылатын ақын" , деп бағалауы шындықтың ауылынан алыс емес.Ақынның өлең жолдары ұлағатты сөздері мен афоризмдері әр ауылды, аудиторияны аралап кеткелі қашан?! Жалпы Қадырдың өлеңдерін білмейтін қазақтың жоқ екені аксиомаға айналды"
С.Абдрахманов
Комментариев нет:
Отправить комментарий